八月三十日 我回來了

I am back after half a year with nothing much to update.

二月十一日 又濕又涼, It's time.

Time to update, but I have nothing to say.

一月三日 冷風陽光, 我很自私

今日好有感觸, 覺得自己好自私, 所以以下內容都會幾mean。不喜勿看。

其實有好幾件事想講。有個女性朋友話就話識左10年, 不過真係認識對方都係2-3年間既事, 其實大約都知佢性格係點。佢係個幾aggressive既人, 奈何學歷麻麻, 所以都經常有意無意咁想將自己擺上一層。我承認有時同佢hang out會係幾舒服, 不過有時真係好頂唔順。有一次我直情覺得佢好樣衰, 我想即刻返屋企。話說有一日去左行街, 咁佢睇中左件衫去試啦, 咁個靚仔sales就同我搭訕問我係唔係外國返黎, 話我個attitude好似等等啦。咁走時我就同佢講話個sales同我講左d乜啦, 咁佢就話: 下? 咁佢有冇話我似呀? 應該我似過你喎。我即刻心諗, 下? 你出過國架咩? 你local 過local喎。都覺得難頂架喇。咁之後傾計, 又有意無意夾d英文落去。講真, 我唔信佢諗唔到個中文係乜而要去英文, 佢扮咩野呀? 講英文都唔緊要, 仲要成日講錯。有次, 佢講d 八卦野 乜乜物物, 話好"ridiculous"。佢係想講ridiculous, 但係佢唔識讀, 讀錯左做"ri di ke le"。第一, 我覺得佢講0個單八卦野頂多用funny黎形容,唔需要用ridiculous。第二, 佢讀錯左, 我0個個moment真係唔知話唔話佢知好。講佢知又落佢面, 唔講又比人覺得我都係唔識字。最後我等周圍冇人時先再糾正佢。呢個只不過係千千萬萬既其中一個example。我個心真係冇可能唔"苗"佢一下。

佢從事hotel service, 由day 1 到而家, 我都叫佢要同d client保持距離, 唔可以咁close。公事始終係公事。我覺得咁做實唔會錯。但係佢就好怪, 成日都鐘意係私人時間同client講公事。亦即係話, 出街hang out 佢好鐘意講電話。仲要一貫佢既作風啦, 係咁撻d英文出黎啦, 又大大聲聲咁啦, 仲要係擺明話比人聽佢講緊公事啦。一來, 我都成日同佢講, 有朋友係身邊時, 經常講呢d 長電話係超無禮貌。二來, 唔好係我面前扮野啦。不過我講完佢唔聽, 我唯有行開啦。咁之後問返佢係唔係佢d客, 佢話係, 我就奇喇, 我話, 點解個客會有你電話既? 之後佢話一疋布咁長。我之後都示意我唔想聽。事關我講得, 就算疋布有幾長, 都唔應該比自己個私人電話個客再講公事。再係非上班時間處理公事。大佬, 佢唔係老細, 只係一個小小員工。公司唔會care點解個客有你電話, 但係會怪責你點解會有個客個電話。

之前佢就算做左以上既事我都好似過濾咁過濾左, 不過近期我覺得好難受。開始連佢個樣貌, 儀態等都嫌棄埋。容許我講句, 我係佢身上開始搵到港女既影子。想上進係要靠行動, 而唔係開口埋口講句英文, 或者扮係外國回港就可以。某個層面上, 我唔想冇左呢個朋友, 但另一方面, 又唔想再加重對佢既偏見。希望降低大家既友誼會挽留到呢段友誼。同埋我唔明, 點解佢欠我卡數唔還, 自己仲可以買幾百蚊支既洗面膏? 呢d係唔係港女呀?

十二月卅一日 乜好凍咩, 扮興奮

我而家扮哂興奮咁迎接2009年。我唔覺得到左2009年我會有咩野轉變, 生活依舊平淡。今晚會同朋友食個飯, 不過希望12點鐘前可以安坐家中。咁俗套既慶祝活動唔岩我。我好悶蛋的。

不過我都希望各位有個開心既晚上。開心...已經好難得架喇。

十二月十二日 又回暖了, 媽媽生日

The most appreciated at Conrad Buffet is the Movenpick ice-cream. I had 8 scoops today. Crazy.

Happy Happy Birthday Mom.

十二月十日 涼風吹吹, 無聊

無聊的道理。飽死。

十一月十五日 回暖回暖, 心回暖

差點都忘了今天是我爸的生日。一個邊爐, 十幾隻大閘蟹, 一個黑森林蛋糕, 幾杯花雕, 加幾粒話梅。盡在不言中。你也有可愛的時候。生日快樂。